ACTUAR

ACTUAR

ACTUAR

A intervención urxente.

Cando temos indicios de que existe un acoso e o alumno/a encóntrase triste, ou sente un profundo malestar, é necesario iniciar un proceso de investigación para definir o que está a ocorrer.

1. Protexer á vítima. Recurriremos aos protocolos de acoso da administración educativa.

2. Valorar a percepción que a vítima ten da situación, indagando se se ten plantexado autolisis ou agresións de outros.

3. Reforzar a autoestima da vítima.

4. Colaborar en que os acosadores saiban que estes comportamentos son moi graves e teñen consecuencias para eles e para a vítima.

5. Lembrar que 14 anos é idade mínima penal e eses actos poden ser obxecto de sanción.

6. En toda a comunidade será importante ensalzar a figura do colaborador ou “Valente” que da a cara ou actúa para impedir que ese comportamento continúe a producirse.

7. Potenciar a xustiza como un valor positivo de modo que a comunidade sinta a responsabilidade compartida. Que non hai que ser cómplice desas situacións.

Comentarios

PREVÉN

· Estar atentos á maneira en como utilizamos os medios informáticos e coñecer o funcionamento das novas tecnoloxías co fin de saber guiar o alumnado e aconsellar as familias.

· Aplicar medidas de seguridade nos equipos informáticos: controlar o software instalado, contas de usuario, almacenamento de documentos, quen utiliza os equipos en cada hora, etc.

· Establecer normas de uso dos equipos na aula: definir que podee que non pode facer o alumnado, como debe organizar o seu material, respectar o material doutro , onde pode ou non pode acceder, etc.

· Empregar sistemas de control e filtrado: facer revisións periódicas, monotorizar os equipos do alumnado mentres traballan (co seu coñecemento), filtrar e bloquear páxinas, contidos ou programas non desexados, etc.

· Realizar un uso didáctico, incluíndo as boas prácticas, a seguridade e a prevención como contidos.

· Detección de problemas: documentos sobre a sintomatoloxía dos problemas e estar atento a calquera indicio de ciberacoso ou malas prácticas.

· En aulas que son utilizadas por varios grupos de alumnado, debe haber unha boa coordinación entre o profesorado en canto a normas e medidas.

DEFINICIÓN

Situacións de acoso escolar nas que se empregan como medio as tecnoloxías da información e da comunicación (TIC).

LEXISLACIÓN

Lei 4/2011 do 30 de xuño, de convivencia e participación da comunidade educativa

Resumo do Protocolo de prevención, detección e tratamento do ciberacoso

Consellería de Cultura, Educación e Ordenación Universitaria

DETECTA

· A situación perdura no tempo. Quedan excluídas as acción puntuais que, aínda que puidesen ser un delicto, non constitúen ciberacoso.

· Adoita existir contacto ou relación previa no mundo físico entre vítima e persoa ou persoas acosadoras.

· Existe intención de causar dano, aínda que non sempre se dá nos primeiros estadios do proceso.

· Realízase mediante o emprego de medios TIC. Pode tratarse de internet ou calquera dos servizos asociados: teléfono móbil, redes sociais, plataformas de difusión de contidos, foros, blogs,…

·

ACTÚA

Primeira fase: Coñecemento da situación. Identificación e comunicación

1.1. Comunicación á dirección e rexistro desta comunicación (Anexo 1)

1.2. Medidas urxentes de protección á presunta vítima

1.3. Designación de un responsable de atención á presunta víctima(Anexo 2)

1.4. Comunicación ás familias do alumnado implicado(Anexos 3 e 4)

1.5. Designación dun responsable das averiguacións previas (Anexo 5)

1.6. Comunicación a outros profesionais educativos e/ou axentes externos(Anexo 6)

Segunda fase: Recollida de información e rexistro

2.1. Entrevista individual á presunta vítima (Anexo 8)

2.2. Entrevista á/s persoas/s presuntamente responsable/s (Anexo 9)

2.3. Entrevista ás persoas observadoras/ espectadoras (Anexo 10)

2.4. Entrevista ás familias implicadas (Anexos 11 e 12)

2.5. Solicitude de asesoramento e/ou apoio técnico

2.5.1. Departamento de orientación (Anexo 13)

2.5.2. Outros profesionais educativos e/ou axentes externos (Anexo 14)

Terceira fase. Análise da información e adopción de medidas (Anexo 15)

3.1. Adopción de medidas educativas: Protección e apoio á presunta vítima e outras medidas dirixidas ó alumnado, familia e equipo docente (Anexo 16)

3.2. Medidas reeducadoras para a/s persoa/s agresora/s

3.3. Apertura de expediente (se procede).

Cuarta fase. Seguimento e avaliación das medidas adoptadas (Anexo 16)

4.1. Medidas.

4.2. Grao de consecución.

4.3. Avaliación.

Ademais teranse en conta as seguintes particularidades específicas do ciberacoso:

· É imprescindible conservar as probas do ciberacoso durante todo o tempo, sexa cal fose a forma na que se manifeste. Para esta conservación poderán capturarse pantallas en modo de imaxe e vídeo, imprimir páxinas, copias, ficheiros… aspecto que deberá realizarse antes de iniciar calquera actuación coa posible persoa/s agresora/s.

· Tratar de identificar as posibles persoas autoras do ciberacoso (atopar o seu enderezo IP, acudir a especialistas informáticos e ás forzas e corpos de seguridade do Estado), pero, en todo caso, sen lesionar os dereitos de ningunha persoa.

· Contactar coa compañía do medio empregado para cometer o acoso (compañía de teléfono, propietario do dominio ou sitio web) coa finalidade de coñecer o procedemento que cómpre seguir para obter a información necesaria.

· Se é o caso, denunciar o acoso ás forzas e corpos de seguridade do Estado que dispoñen de unidades de delictos informáticos.

· Todas estas accións estarán enmarcadas na máis absoluta discreción e confidencialidade.